Թարգմանչական կանոններ (իրավական ռիսկեր)

Թարգմանությու՞ն, թե՞ իրավական ռիսկ. ինչու է «մոտավոր» բառը վտանգավոր պայմանագրերում

Առօրյա խոսակցության մեջ «չեղարկել» և «դադարեցնել» բառերը կարող են նույնը թվալ։ Սակայն իրավաբանական պայմանագրում "Cancellation" և "Termination" տերմինների շփոթումը կարող է հանգեցնել միլիոնավոր դոլարների տուգանքների կամ դատական պարտության։

Ինչու է Google Translate-ը (կամ սիրողական թարգմանիչը) Ձեր թշնամին.

• Տերմինաբանական ճշգրտություն. Բժշկական էպիկրիզում կամ դատական վճռում յուրաքանչյուր բառ ունի իր հստակ համարժեքը։ Սխալ թարգմանված դիագնոզը կամ մեղադրանքի ձևակերպումը կարող է ճակատագրական լինել։

• Նոտարական վավերացման պահանջներ. Պետական մարմինները (դեսպանատներ, ռեգիստրներ) ունեն փաստաթղթերի ձևավորման խիստ ստանդարտներ։ Մեկ սխալ տառը ազգանվան մեջ կամ կնիքի թարգմանության բացակայությունը բավարար է մերժում ստանալու համար։

• Կոնտեքստի ընկալում. Բառացի թարգմանությունը հաճախ կորցնում է իրավական իմաստը։ Մասնագետը թարգմանում է ոչ թե բառերը, այլ իրավական հետևանքները։

Խնայելով թարգմանության որակի վրա՝ Դուք ռիսկի եք ենթարկում Ձեր վիզան, բիզնես գործարքը կամ դատական գործը։ Finlaw-ում մենք ապահովում ենք բազմաստիճան ստուգում՝ բացառելով տերմինաբանական շեղումները։